Kryetarja e LSI, Monika Kryemadhi ka qenë sot në Përmet, aty ku ka prezantuar kandidatin Elton Ismaili për deputet. Gjatë fjalës së saj, ajo komentoi dhe përplasjet që ndodhën paraditen e sotme në Elbasan, mes mbështetësve të Partisë Demokratike dhe Socialiste.
Kryemadhi u shpreh se më 25 prill shqiptarët do ta përzënë Ramën, ashtu siç bënë dhe ditën e sotme.
Deklarata e Kryemadhit:
“Një nga problemet tona kryesore është ajo çfarë do të ndodhë mbas 25 prillit sepse ne e kemi mëse të qartë se cili do të jetë rezultati i 25 prillit. Rezultati i 25 prillit është ajo çfarë ndodhi në Elbasan më përpara, aty ku njerëzit e përzunë dhe i thanë ik largohu sepse nuk duam të të shikojmë. Ku Elbasani është vetëm 17 minuta larg Tiranës, ka papunësinë më të madhe, ka mungesën e ekonomisë, ka biznese të falimentuara ka varfërinë më të madhe.
Ndërkohë që sot njerëzit nuk kanë më dëshirë ta shikojnë jo si individ por si fenomen. Sepse është fenomeni që i varfëroi shqiptarët, i largoi shqiptarët nga Shqipëria, i largoi të rinjtë dhe të rejat nga Shqipëria. Prandaj dhe angazhimi ynë nuk ka të bëjë vetëm me 25 prillin. 25 prilli ka të bëjë me ndryshimin për të ndëshkuar çdo njeri që nuk mban fjalën, çdo politikan që nuk iu përgjigjet. Socialistët e Përmetit shikojnë më shumë socialist Vangjel Tavon sesa Bledi Çuçin”, shprehet Kryemadhi.
Diskutime rreth kësaj post