Moti i keq që ka goditur orët e fundit vendin tonë ka shënuar viktimën e tij të parë.
Mësohet se një elektricist i OSHEE-së ka humbur jetën në krye të detyrës këtë të premte, pasi sipas policisë dyshohet se e ka zënë korrenti teksa po punonte për të riparuar një defekt. Defekt që është shkaktuar nga moti i keq.
E sipas policisë lokale, rreth orës 17:45, “në spitalin e Tropojës është dërguar një shtetas pa shenja jete”. Personeli ka lajmëruar sallën operative lidhur me rastin.
Në vendngjarje shkuan shërbimet e Policisë dhe grupi hetimor, ku ka rezultuar se, në spital u transportuar i vdekur F.H., 32 vjeç, banues në Luzhe, Tropojë, me profesion elektricist, njofton Policia.
Sakaq nga hetimet paraprake dyshohet se F.H., duke rregulluar një defekt elektrik në fshatin Rragan, dyshohet ta ketë zënë korrenti, ku për pasojë i ka sjellë vdekjen, shtojnë të njëjtat burime.
Grupi hetimor ndodhet në vendngjarje, ku po punon për sqarimin e rrethanave të ngjarjes.
Diskutime rreth kësaj post