SHBA i bëri thirrje të tërhiqen nga kushtet e reja! Opozita bën lëvizjen e radhës, kjo është kërkesa ndaj Këshillit Politik për nesër

Pas dështimit të konsensusit, palët opozitare që janë pjesë e Këshillit Politik nuk janë tërhequr, por kanë kërkuar që tryeza për Reformën Zgjedhore të mblidhet sërish nesër në orën 17:00.

Nëpërmjet një kërkese përfaqësuesit e opozitës Oerd Bylykbashi nga PD dhe Petrit Vasili nga LSI propozojnë mbledhjen e Këshillit ditën e nesërme.

Në kërkesë sqarohet se ky propozim bëhet me synim gjetjen e konsensusit për çështjet e përcaktuara në axhendën e Këshillit Politik.

“Ne vijim te diskutimeve te deritanishme dhe faktit qe mbledhja e dates 31 maj 2020 nuk u zhvillua, me synim gjetjen e konsensusit per ceshtjet e percaktuara ne axhenden e Keshillit Politik, propozojme mbledhjen e Keshillit neser, date 2 qershor 2020, ne ora 17.00.

Perfaqesuesit e Opozites

Oerd Bylykbashi

Petrit Vasili”, thuhet në kërkesë.