Shtetet e Bashkuara të Amerikës kanë braktisur organizatën “UNESCO”, duke e akuzuar atë për qëndrim antiizraelit.
Kjo agjenci e OKB-së njihet për përcaktimin e zonave të Trashëgimisë Notërore, si Palmira në Siri, apo Kanioni i Madh në SHBA.
Përmes një komunikate për shtyp, Departamenti amerikan i Shtetit njoftoi se ishte gjithashtu i shqetësuar për borxhet gjithnjë e në rritje të UNESCO-s, e cila duhet reformuar sipas SHBA-ve.
Kreu i UNESCO-s, Irina Bokova tha se tërheqja e Shteteve të Bashkuara përbën një keqardhje të thellë dhe përfaqëson një humbje për familjen e OKB-së.
Shtetet e Bashkuara do të krijojnë një mision vëzhgimi në organizatën me bazë në Paris, për të zëvendësuar përfaqësimin. Vendimi i SHBA-ve pason një seri vendimesh të UNESCO-s, që sollën kritika nga Uashingtoni dhe Izraeli.
Në vitin 2011, SHBA-të ndaluan kontributet për UNESCO-n në formë proteste për garantimin e statusit të anëtarit të plotë për palestinezët. Vitin e kaluar, Izraeli pezulloi bashkëpunimin me UNESCO-n, pasi agjencia miratoi një rezolutë që nuk përmendte lidhjet izraelite me një vend të shenjtë në Jeruzalem.
Por, sipas ekspertëve, tërheqja e Shteteve të Bashkuara shtyhet edhe nga qëllimi për të kursyer parà. Presidenti Donald Trump ka kritikuar kontributin, sipas tij jo proporcional, që Amerika i jep OKB-së, më saktë 22% të buxhetit të UNESCO-s, dhe 28% të misioneve paqeruajtëse të OKB-së.
Diskutime rreth kësaj post