Serbia është i vetmi vend kandidat për anëtarësimin në BE, që nuk ishte dakord me paketën e fundit të sanksioneve të unionit, për disa individë dhe kompani në Bjellorusi. Ky fakt, u bë me dije nga Këshilli Evropian, shkruan media serbe b92.
Më 21 qershor, Këshilli i BE vendosi sanksione kundër 78 qytetarëve bjellorusë dhe shtatë njësive për shkelje serioze të të drejtave të njeriut dhe shtypje të shoqërisë civile, opozitës dhe gazetarëve dhe për uljen e detyruar të një aeroplani pasagjerësh.
Midis individëve që u sanksionuan, janë një numër i madh gjyqtarësh dhe prokurorësh “përgjegjës për vendime të shumta të motivuara politikisht kundër gazetarëve, aktivistëve dhe protestuesve”, siç shpjegohet në vendimin e Këshillit.
Sanksionet synuan gjithashtu disa gazetarë mediatikë pro-regjimit, rektorë të disa universiteteve për përjashtimin e studentëve që morën pjesë në protesta dhe biznesmenë të shumtë për lidhje të ngushta me regjimin e Lukashenkos.
Më parë, Serbia mbështeti vendimin e Këshillit të BE-së, të bërë më 4 qershor, për të forcuar masat ekzistuese ndëshkuese duke futur një ndalim të fluturimit të të gjitha linjave ajrore bjelloruse përmes hapësirës ajrore të BE-së dhe një ndalim të hyrjes në aeroportet e BE-së.
Diskutime rreth kësaj post