Ervin Salianji e ka quajtur nul votiminnë parlament për shkarkimin e Presidentit Ilir Meta, pasi parlamenti është në tejkalim të kompetencave të veta.
Salianji tha në emisionin ‘Kjo Javë’ se votimi është një hakmarrje politike për shkak të pavarësisë së institucionit, dhe për shkak të të gjithë elementëve që Ilir Meta si president i Republikës ka bërë betejat e veta për të vendosur balancën e pushteteve.
Deklarata e Salianjit:
“Në pikëpamjen time, por edhe në deklarimin zyrtar të PD, ky është një sulm ndaj një institucioni të pavarur. Është një vendim nul, për shkak se parlamenti është në tejkalim të kompetencave të veta. Nuk ka një shkelje të rëndë kushtetuese nga Presidenti që mund t’i jepte legjitimitet parlamentit për të ndërmarrë një veprim të tillë, është një sulm politik ndaj një institucioni të pavarur për shkak të përplasjes që ka patur edhe publike edhe në mënrë të herë pas hershme anëtarë të atij parlamenti, anëtarë të qeverisë apo vetë kryeministri.
Është një hakmarrje politike për shkak të pavarësisë së institucionit, dhe për shkak të të gjithë elementëve që Ilir Meta si president i Republikës ka bërë betejat e veta për të vendosur balancën e pushteteve në një republikë e cila ka patur një parlament një partiak dhe monist dhe ku gjithë pjesa tjetër e institucioneve kontrollohet nga një njeri i vetëm që është Edi Rama.
Kështu që, Gjykata Kushtetuese duhet të kthejë në shinat e ligjshmërisë duke e rikthyer mbrapsht vendimmarrjen e njëanshme të një parlamenti i cili është edhe përmbajtësisht ilegjitim. Është një vendimmarrje vetëm për të bërë zhurmë, për të hequr vëmendjen nga zgjedhjet”. – tha Salianji.
Diskutime rreth kësaj post