Avokati i njohur Spartak Ngjela është shprehur se vendi mund të shkojë në zgjedhje të parakohshme, nëse Lulzim Basha do vijojë të mbajë qëndrime të forta dhe do të vulosë ndarjen me Sali Berishën.
“Në rast se ky do të ecë me këtë temp në 2-3 muaj do kemi zgjedhje të reja”, – tha Ngjela.
Sipas Ngjelës, më përjashtimin e Berishës, Basha ka treguar se tashmë ka kontroll të plotë në PD.
“Saliu operon me autoritarizëm, nuk ka lënë figura. Basha ecën me toerinë e superioritetit të kryetarit. Erdhi momenti dhe i tregoi vendin Berishës. I tha nuk je asgjë, nuk je as në grupin parlamentar. Berisha ka vetëm 3-4 deputetë që e ndjekin pas, kjo nuk i prish punë Lulzim Bashës”, – tha Ngjela.
Ngjela u shpreh se Berisha nuk ka forcë për të rrëzuar Bashën, por edhe nëse kjo ndodh do jetë humbje për PD-në, pasi nuk ka mbështetje në Washington për Sali Berishën.
Diskutime rreth kësaj post