Vitin e kaluar, Neymar nënshkroi një kontratë rekord sponsorizimi me Puma, sipas së cilës ai do të veshë këpucët e këtij prodhuesi, duke lënë kështu të gjithë rivalët shumë prapa.
Sipas kontratës, braziliani do të fitojë gati 27 milionë euro në vit, dhe më poshtë do t’ju njohim me futbollistët që fitojnë më shumë nga prodhuesit e këpucëve të futbollit.
Me kontratën më të madhe të vetme në sponsorizimin sportiv, Puma zgjodhi Neymar, i cili kishte veshur Nike deri më tani. Kohëzgjatja e kontratës nuk dihet, ndërsa marrëveshja e tij e mëparshme me Nike zgjati 11 vjet dhe vlente sa gjysma e marrëveshjes së re me Puma.
“Unë jam rritur duke parë video të legjendave të mëdha të futbollit si Pele, Cruyff, Eusebius dhe Maradona, dhe ata të gjithë luajtën në Puma. Për këtë arsye, që nga sot, unë kam nderin të bashkohem me një markë që ndihmoi legjendat e mëdha të futbollit”, – shkroi Neymar pak kohë më parë në rrjetet sociale.
Futbollisti i dytë që u bë miliarder (i pari ishte Cristiano Ronaldo) Messi është në vendin e dytë kur bëhet fjalë për kontratat e sponsorizimit për këpucët e futbollit (21 milionë euro). Në vitin 2017, legjenda e Barcelonës nënshkroi një kontratë të përjetshme me Adidas.
Ai ishte futbollisti i parë që kishte një palë këpucë me emrin e tij në Adidas – Adidas Messi. Teksa vitet kalojnë, dhe kur Messi “të varë këpucët në gozhdë”, mund të jetë po aq fitimprurës për sulmuesin si marka Air Jordan Nike krijuar për Michael Jordan.
Në vendin e tretë është Ronaldo, i cili tani është futbollisti më i paguar i Nike (17.5 milionë euro). Kontrata e re e Neymar e tejkalon atë me 10.5 milionë euro.
Megjithatë, Ronaldo mund të ngushëllohet me faktin se kontrata e tij e përjetshme do jetë më e madhe se ajo e Neymar sepse thuhet se ai do të fitojë rreth 900 milionë euro. Ronaldo është sportisti i tretë që nënshkruan një kontratë të përjetshme me Nike, pas Michael Jordan dhe LeBron James.
Kilyan Mbappe gjithashtu mburret me një kontratë të majme pasi Nike i paguan atij 16 milionë € në vit. Në vendin e pestë është Mario Balotelli, i cili në 2014, kur ishte në kulmin e formës, fitoi një kontratë dhjetë-vjeçare me Puma, nga e cila fiton 8 milionë euro në vit.
Gareth Bale nga Adidas fiton gati 5 milionë euro, ndërsa Antoine Griezmann 4 milionë euro nga Puma. Paul Pogba dhe Mohamed Salah nga Adidas dhe Marco Verratti nga Nike fitojnë 3 deri në 3.5 milionë euro në vit, dhe këta janë 10 futbollistët më të paguar kur bëhet fjalë për sponsorizime me prodhuesit e këpucëve të futbollit.
Diskutime rreth kësaj post