Kreu i Komisionit Zgjedhor në PD, Jemin Gjana ka përditësuar votimet brenda PD që po zhvillohen në të gjithë vendin duke thënë se deri në orën 13:00 kanë votuar 23 536 anëtarë ose 31.3 %. Gjana tha se deri tani procesi ka qenë i rregullt, ndërsa tha se përfaqësuesit në qendrat e votimit janë zëvendësuar me kërkesë të kandidatëve.
Gjana iu përgjigj dhe Bujar Nishanit, i cili e konsideroi ditën e sotme një maskaradë, duke thënë se me shumë mundësi po e ngatërronte me datën 25 Prill. Kreu i Komisionit u ndal dhe te pretendimet e Shehajt dhe ato për fotografimin e votës.
Reagimi i Gjanës:
“Deri në orën 1 kanë votuar 23, 536 anëtarë të PD, ose e thënë ndryshe 31.1%. Mos e ka ngatërruar me 25 Prillin ndoshta, mund tiu them që vetëm në 3 orët e paradites, kemi ndërruar për llogari të kandidatit Shehaj tre komisionerë.
Se kanë probleme me individët që i çojnë për përfaqësim është puna e tyre, më vjen keq që e kthejnë në një lojë politike. Fotoja e fletës së votimit nuk është brenda qendrës së votimit”, u shpreh Gjana.
Diskutime rreth kësaj post