Moska është e hapur për negociata me Ukrainën, ky pozicion është bërë tashmë i ditur në Kiev, tha përfaqësuesi për shtyp i presidentit rus Dmitry Peskov.
“Çdo negociatë ka objektiva. Qëllimet tona dihen. Dhe këto qëllime mund të arrihen ose përmes një operacioni të posaçëm ushtarak ose përmes negociatave.
Rusia është e hapur për të dyja dhe qëllimet tona janë të njohura. Ato u detajuan gjatë bisedimeve në mars. Pala ukrainase është vënë në dijeni. Gjithashtu, dua t’ju kujtoj se për tekstin e marrëveshjes kanë rënë dakord të dy negociatorët e dy delegacioneve.
Prandaj, pozicioni ynë dhe pozicioni i presidentit tonë këtu është plotësisht i njohur “, tha Peskov, i cili hodhi poshtë propozimin e Zelensky-t.
I pyetur për interesin e mundshëm të SHBA-së për rifillimin e negociatave mes Rusisë dhe Ukrainës, tha: “Kjo pyetje duhet bërë në Uashington. Nuk është një pyetje për ne”, tha Peskov.
“Nëse dëshiron, Uashingtoni është në gjendje të ndikojë në Kiev dhe ta nxisë të përshtatet me kushtet. Nëse dëshiron, Uashingtoni mund të marrë parasysh shqetësimet e vendit tonë”, vazhdoi Peskov, i pyetur nga gazetarët nëse Kremlini sheh një përmirësim në vazhdimësinë e negociatave të paqes pas ndryshimit të retorikës së Uashingtonit.
Duke folur rreth përdorimit të mundshëm të armëve bërthamore, Peskov theksoi se në Rusi askush nuk flet për këtë çështje, ndërkohë që një retorikë e tillë dëgjohet në Europë, duke përshkallëzuar kështu tensionin në një zonë potencialisht të rrezikshme.
“Nëse e keni vënë re nga pala ruse, askush nuk po flet për këtë çështje. Për këtë çështje po diskutohet në kryeqytetet europiane dhe kudo tjetër.
Por lind pyetja nëse ekziston ende opsioni që Rusia të përdorë armë bërthamore”.
Diskutime rreth kësaj post