Rritja e çmimit të naftës, Tedi Blushi krahason shifrat me pesë shtete të Europës: Kjo është zhvatje

Sekretari i Përgjithshëm i Partisë së Lirisë, Tedi Blushi, ka reaguar për rritjen e çmimit të naftës në vendin tone, ku ka publikuar në rrjetin social “Facebook”, çmimet e naftës që sipas tij, shiten në disa shtete të Europës, duke bërë krahasimin me Shqipërinë.

Blushi thotë se Shqipëria është vendi më i varfër i kontinentit, por aktualisht ka çmimin më të shtrenjtë, krahasuar me pesë shtetet që kanë pagën minimale më të lartë në të gjithë Europën.

Postimi i Tedi Blushit:

“Bordi Hajdut vendosi të rritë përsëri çmimin e naftës në 245 lekë/litër.
Shqipëria, vendi më i varfër i kontinentit, ka aktualisht çmimin më të shtrenjtë krahasuar me pesë shtetet që kanë pagën minimale më të lartë në të gjithë Europën. Kjo është zhvatje, asgjë tjetër!

Sa herë të ndaleni në çdo pikë karburanti, aty ju pret Edi Rama me të gjithë oligarkët e tij të naftës, që futin duart në xhepin tuaj për t’ju vjedhur pa mëshirë!

KRAHASIMI FLET QARTË:

Paga minimale 291 euro/muaj
Çmimi i naftës 2.1 euro/litër

LUKSEMBURG

Paga minimale 2,202 euro/muaj
Çmimi i naftës 1,83 euro/litër

GJERMANI

Paga minimale 1,976 euro/muaj
Çmimi i naftës 2,0 euro/litër

IRLANDË

Paga minimale 1,775 euro/muaj
Çmimi i naftës 1,87 euro/litër

HOLANDË

Paga minimale 1,701 euro/muaj
Çmimi i naftës 1,94 euro/litër

FRANCË

Paga minimale 1,645 euro/muaj
Çmimi i naftës 1,69 euro/litër”, shkruan ai.