Ronaldo Sharka për Luizin dhe Gjestin: Është si të krahasosh nipin me gjyshin

Ronaldo Sharka ka komentuar dy nga personazhet më të përfolur të spektaklit të Big Brother VIP, Luiz Ejllin dhe Gjestin.

Opinionisti i ‘Fan Club’ ka vënë në dukje diferencat e mëdha mes tyre, si në sjellje ashtu edhe në mënyrën se si përfaqësojnë breza të ndryshëm.

“Për mua nuk vlen fare. Nuk kanë pikë lidhje. Luizi me Gjestin, si të krahasosh nipin me gjyshin”, tha Sharka.

Sipas tij, Luizi simbolizon një mashkull tipik shqiptar në të 40-at, që kalon kohën në lokalet e lagjes, duke bërë komente dhe shpesh duke bullizuar persona të tjerë.

Në anën tjetër vlerësoi Gjestin si një përfaqësues të gjeneratës Z, që sipas tij pasqyron energjinë dhe qëndrimet moderne të rinisë.

“Përfaqëson shumë mirë këtë botën virtuale. Gjestin e do publiku, e duan edhe banorët. Çdo gjë e kthen në favor të tij. Është i lezetshëm”, shtoi ndër tjerash Sharka.

Ronaldo vlen të ceket se ka qenë pjesë e edicionit të dytë të Big Brother, bashkë me Luizin.