Robert Papa flet hapur për shpalljen non grata të Berishës: Dosja e ish-kryeministri është bërë nga ky person

Gazetari Robert Papa në lidhje me shpalljen non grata të Berishës deklaroi se lobingjet janë të fuqishme në SHBA. Ai u shpreh se dosjen e ish-kryeministrit Berisha e ka bërë Delina Fico. Më tej Papa deklaroi se segmente të caktuara kanë ndikuar për ti lehtësuar qëndrimin në pushtet Ramës. Sipas autorit të librit është Delina Fico. Amerikanët nuk i duan shtetasit që shajnë vendasit e tyre

“Lobingjet janë të fuqishme në SHBA. Berisha ka thënë se shpallja e tij non grata është një problem personal dhe nuk ka pse merret PD me këtë. Drejtpërdrejt Bliken është pyetur nëse ka Soros gisht në këtë, dhe ai tha unë skam personalisht, por nuk flas dot për të tjerët. Soros deri tani ka përdorur 16 mld dollarë duke ndërhyrë në fushata elektorale në Amerikë por ai ka pasur ndikim edhe te zgjedhjet e sekretarëve nëpër shtete të ndryshme që kanë në dorë garat. Segmente të caktuara kanë ndikuar për ti lehtësuar qëndrimin në pushtet Ramës. Sipas autorit të librit është Delina Fico. Amerikanët nuk i duan shtetasit që shajnë vendasit e tyre, por janë struktura që u fuqizuan në 1996-97 dhe ka qenë një luftë e vazhdueshme ndaj konservatorëve këtu dhe atyre në Shqipëri”, tha Papa në MCN TV.

I pyetur se ka vetëm një burim që ka çuar në këtë vendim a mund të ndodhë kjo, Papa u shpreh se nuk e beson një gjë të tillë, pasi sipas tij shpallja non grata në SHBA u është dhënë shumë njerëzve edhe jo publikisht.

“Nuk besoj. Non grata në SHBA i është dhënë shumë njerëzve edhe jo publikisht, nuk u kanë dhënë vizë dhe ky është një qëndrim. DASH ka 25 mijë punonjës karriere dhe janë liberal dhe të majtë dhe shpesh ka dalë dhe kundër presidentit. Sekretari Shtetit ka të drejtë të ndalojë gjithkënd për të ardhur në SHBA. A mund të hiqet kjo? Varet nga administrata të ndryshme. Është interesante se si do të dilte gjyqi në Francë. Berisha ka të drejtë të bëjë këtë që po bën. Bush ka disa vendime gjykatash në Europë dhe mund të mos udhëtojë në Europë, por kjo nuk ia ul atij rëndësinë.”-tha ai.

Ndërsa pyetjes nëse po favorizon SHBA Greqinë, gazetari Papa tha se, “Greqia ka lob shumë të fuqishëm, na ka dëmtuar dhe na dëmton. Ajo që më bëri përshtypje është që SHBA dhe Greqia bëjnë një marrëveshje dypalëshe, kjo ndoshta edhe për shkak të përplasjeve me Turqinë. Por Biden po zbutet me Turqinë dhe kanë rënë dakort tu shesin avionë 16. E majta shqiptare kontrollohet nga Athina, Beogradi e Rusia. Duke u forcuar me Turqinë dhe duke pasur marrëdhënie të mira me SHBA duket që vetë Amerika nuk ia ka lënë mbikëqyrjen grekëve”.