Kandidatja për postin e kreut të PD, Edith Harxhi tha se PD ka nevojë për një rivlerësim ideologjik të saj, ndërsa dha një koment edhe për kandidaturat e rivalëve të saj në këtë garë.
“PD ka nevojë për një rivlerësim ideologjik të saj, sepse ka kaluar shumë në qendër. PD duhet të kalojë në shinat e djathta të idealeve të 1990. PD nuk është partia e 90 sot. PD duhet të mbetet parti antikomuniste, por me një vizion të ri për të ardhmen.
E dyta, duhet të kalojë në shinat organizative. Në PD nuk ka zgjedhje, por emërime. Kryesia është emërtesë e kryetarit. Ka nevojë për një shkundje në themele dhe në aspektin strukturor në të njëjtën kohë. Shtylla e tretë, statuti i PD-së, i cili ka nevojë të rishikohet i gjithi, së bashku me meritokracinë. Programi ka hapjen e PD nga të gjithë kontributet e saj dhe bashkimin në një front të vetëm opozitar për të dërrmuar Edi Ramën sepse Rama mund të dërrmohet në këtë mënyrë”, – tha ajo për Vizion Plus.
Diskutime rreth kësaj post