Rikthimi i KFOR-it në veri, Baton Haxhiu: Albin Kurti duhet të bëjë këtë gjë

Analisti Baton Haxhiu tha në “Shock” se kryeministri Kurti po bën gjëra, të cilat i ka kundërshtuar publikisht kur ka qenë në opozitë.

Sipas tij, kur Kurti ishte në opozitë, ai e kundërshtonte faktin që KFOR-i të ishte në pikat kufitare 1 dhe 31.

“Ia ka dhënë mandatin KFOR-it, ia ka dhënë patrullimin KFOR-it me rezolutën 12/24 për të mbajtur sigurinë në veri. E instaloi (KFOR) pas 11 vitesh. Unë nuk kam asgjë për t’i thënë, ka bërë mirë që të mos vriten qytetarët, por ka bërë keq që gjërat të cilat i ka thënë nuk i ka mbajtur”, tha ai.

Për këtë ndryshim të qëndrimit nga ana e Kurtit, Haxhiu tha se kryeministri duhet t’u kërkojë falje publike qytetarëve.

“Albin Kurti kryeministër duhet t’u kërkojë falje qytetarëve të Kosovës se nuk e kam ditur se cili është pushteti dhe cila është e vërteta e pushtetit, pastaj kur e bën këtë faljes publike kë të vazhdojë punën kryeministri. Po nuk e bëri këtë falje, sepse njeriu gjatë mandatit të tij mund të thejë një rregull, por nuk mund ta kundërshtojë veten për secilën fjalë që ka thënë”, tha ai.