Rigerta Loku tregon se me kë parti do të hyjë në zgjedhje: Ja si u bëra pjesë e saj

Gerta Loku e cila tashmë ka zyrtarizuar kandidimin në zgjedhjet e ardhshme të 25 prillit, ka folur për planin e saj por gjithashtu ka treguar edhe se si është bërë pjesë e “Nismës Thurje”.

Loku tha se ka qenë ajo që ka “trokitur” te “Nisma Thurje” pjesë e të cilës është edhe deputetja Rudina Hajdari. Më tej tregon se kur vendosi të futet aktivisht në politikë ka bërë dhe një itinerar i cili e dërgoi te kjo parti.

“Nëse nuk merresh me politikën politika merret me ty. Ecja ime ka qenë një proces. Të bësh politikë normal se duhet të futesh në politikë por unë jam munduar që kur kam vënë këmbën në Shqipëri të bëj politikën time. Për mua sot kjo ishte një zgjedhje e domosdoshme. Kur vendosa që të futen aktivisht në politikë, ska shumë, kam bërë një itinerar me mendjen time dhe gjithë ky itinerat më dërgoi te Nisma. Me “Nismën Thurje” ishte dashuri reciproke, kam trokitur unë te ata. Por kam prova se dhe do trokisnin te unë”, – tha Loku për Report Tv.