Sekretari për Çështjet Zgjedhore në PD, Ivi Kaso ka folur për procesin në të cilin ndodhen palët politike sa i përket mosgjetjes ende të një marrëveshjeje për finalizimin e reformës zgjedhore.
Kaso tha se beson në arritjen e një marrëveshjeje, ndërsa këtë e argumenton me faktin se mazhoranca do të mund të gjejë një rrugë reflektimi.
“Shpresoj që do arrihet një marrëveshje, jemi në pritje të gjetjes së reflektimit nga ana e mazhorancës. Ka pasur një konsensus të munguar nga ana e saj siç është përdorimi i teknologjisë në votime, në radhë të parë identifikimi biometrik, më pas me kolegjin zgjedhor, formatin e administratës zgjedhore në të gjitha nivelet, administratës zgjedhore. Për ti dhënë fund procesit të administrimit të votës. Kjo konkludon me nxjerrjen e një rezultati që do të jetë pasqyrë korrekte e vullnetit të zgjedhësve.” tha ai për Fax News.
Diskutime rreth kësaj post