Pas deklaratave të forta të kryeministrit Edi Rama për Bashkimin Evropian, ka ardhur reagimi i ashpër nga Ambasada Franceze në Shqipëri.
Ambasada ka shprehur pakënaqësinë e saj ndaj këtyre deklaratave duke i rikujtuar kryeministrit se Bashkimi Evropian është donatori më i madh në Shqipëri me më shumë se 100 milion euro në sektorë të ndryshëm.
Sa i takon pyetjes që kryeministri Rama ngriti se përse Franca duhet të ketë një stok vaksinash që nuk mund t’i përdorë, në vend që t’i ndajë me të tjerët, në letër sqarohet se Franca do të arrijë qëllimin e saj për një milion njerëz të vaksinuar në fund të janarit.
“Përveç natyrës të pavërtetë të këtij informacioni, por që mund të jetë shumë i ndjeshëm për mendjet e njërëzve, kjo ambasadë konsideron se nuk është e përshtatshme të sulmosh në këtë mënyrë nominative një vend mik dhe aleat” shkruhet në deklaratën e ambasadës.
Reagimi i Ambasadës:
“Mbrëmë në një transmetim televiziv, Edi Rama, kryeministër i Shqipërisë akuzoi qartë vendet anëtare të Bashkimit Evropian për egoizëm dhe cinizëm. Kjo ambasadë kujton se cdo vit, BE është donatori më i madh në Shqipëri me më shumë se 100 milionë euro në sektorë të ndryshëm.
Lidhur me pandeminë, Komisioni Evropian njoftoi më 8 janar se portofoli global i BE-së prej 2.3 miliardë dozash nuk ishte vetëm për BE por edhe për vendet fqinje. Financimi u sigurua për vendet e Ballkanit Perëndimor me 70 milionë euro nga programi IPA.
Ndërsa Franca do të arrijë qëllimin e saj për një milion njerëz të vaksinuar në fund të janarit, Kryeministri ngriti pyetjen se pse Franca duhet të ketë një stok vaksinash që nuk mund t’i përdorë, në vend që t ‘i ndajë me të tjerët.
Përveç natyrës të pavërtetë të këtij informacioni, por që mund të jetë shumë i ndjeshëm për mendjet e njerëzve, kjo ambasade konsideron se nuk është e përshtatshme të sulmosh në këtë mënyrë nominative një vend mik dhe aleat”, thuhet në reagimin e ambasadës franceze.
Diskutime rreth kësaj post