Gjatë fjalës së tij në parlament, sa i takon raportit të Komisionit Hetimor për Presidentin e Republikës, kreu i grupit parlamentar të PS-së, Taulant Balla, deklaroi se arsyeja e mosshkarkimit të Ilir Metës është se mazhoranca beson në ndarjen e pushteteve.
“Së pari faleminderit komisionit Hetimor Parlamentar, ndërsa për të gjithë ata që s’e mbajnë mend ky komision është dashur të shtojë elementët e tij. Raporti sot është padyshim konfirmim i gjithë çka kemi thënë. Thuhet qartë se presidenti ka kryer shkelje: anuloi zgjedhjet, nuk zbatoi detyrimet kushtetuese për emërimet në kushtetuese. Presidenti zgjodhi anëtare, bashkëjetuesen e një prej drejtuesve të PD-së si edhe nuk organizoi ceremoninë e betimit.
Argumentet tona, që me ironi Murrizi tha se i kemi tradhtuar dua të them se të gjitha janë aty në raport të gjetura e të konfirmuara si shkelje dhe tregojnë se qasja e PS-së është e ndërtimit të shtetit ligjor ku themel ngelet parimi i ndarjes se pushteteve. Arsyeja e mosshkarkimit të Metës sot është se ne besojmë në ndarjen e pushteteve. Siç respektojmë sot Venecias edhe të enjten respektojmë një sërë vendimesh që çështjet e sistemit zgjedhor ia atribuojnë parlamenteve sovrane. Edhe të enjten do respektojmë Venecian e jo Ilirin, Monikën apo Saliun”, – tha Balla.
Më tej shtoi:
“Sipas raportit, këto shkelje jo domosdoshmërisht çojnë në shkarkimin e presidentit, por vlerësojmë si të balancuar komisionin hetimor. Në të dy shkeljet veprimet e Metës o janë shoqëruar me molotov, ose me veprime të tjera antiligjore. Në të dytën, për Gjykatën Kushtetuese, Metën e kanë tradhtuar detaje të tradhtisë së tij. Ai ishte i fokusuar te bllokimi përmes procedurave kalendarike. Dhe dallimi me Presidentit dhe Kuvendit është si nata me ditën. Kuvendi i pastër në dëshirën për të plotësuar menjëherë vakancat, dhe Meta për t’i bllokuar. Komisioni ka konstatuar shkelje dhe ka patur për detyrë të analizojë nëse janë të rënda apo jo. Komisioni ka përcaktuar rëndësinë e shkeljes dhe është bazuar në pasojat e saj. As vetë Meta s’ka pas dyshim se ka shkel Kushtetutën.” – tha Balla.
Diskutime rreth kësaj post