Kryetari i Aleancës për Ardhmërinë e Kosovës, Ramush Haradinaj, i ka bërë thirrje kryeministrit Albin Kurtit që t’i tërheqë “sejmenët e tij” dhe të ndalojë përçarjen e ndarjen e popullit.
Reagimi i Haradinajt vjen pas deklaratave të ministrit të Brendshëm, Xhelal Sveçla, të cilat nxitën reagime të ashpra.
Sveçla e lidhi protestën e sotme të veteranëve me luftën hibride nga Serbia.
Kryetari i AAK-së ka thënë se Kurtit askush nuk i ka faj që po mundohet ta sundojë vendin.
Postimi:
“Pushteti nuk është gjithçka. Albin Kurti, tërhiqi mbrapshtë sejmenët e tu. Lëri njerëzit të protestojnë për të drejtën e tyre dhe mos e ndajë e mos e përçajë popullin. Ato që dikur e ke shfrytëzuar si të drejta per vete, (protestat e demonstratat) mos provo t’ua ndalosh të tjerëve. Nuk ta kanë fajin veteranët, as shoqëria civile, as mediat, as gazetarët e as opozita! Fajin e ke vet që nuk po qeverisë me vendin, por po mundohesh ta sundosh atë. Unë sot jam me të gjithë ata që protestojnë në sheshet e Prishtinës!”, ka shkruar Haradinaj në Facebook.
Diskutime rreth kësaj post