Kritikave të shumta për dështimin e nismës “Rilindja e Shëndetësisë”, kryeministri Edi Rama iu është përgjigjur sot me një video të postuar në Facebook, ku prezanton disa prej qendrave spitalore në Tiranë dhe rrethe që janë rikonstruktuar dhe përmirësuar në shërbimin për qytetarët.
“As bëhet fjalë që kush na shan e na mallkon për spitalet një arsye edhe e ka, po ama sikur të mos harrojmë fare se nga u nisëm vetëm katër vjet e gjysmë më parë , nuk do ishte keq, si thoni(?)”, konstaton dhe pyet Rama në videon me të cilën tregon investimet e qeverisë në këtë sektor.
Dhe në vijim për të treguar se është realist, kryeministri thotë se duhet të vlerësohen arritjet në Shëndetësi dhe “pastaj flasim sa të duam për çfarë ende mungon e për sa shumë akoma kemi për të bërë”.
Por këtij postimi të kreut të ekzekutivit i ëhstë përgjigjur njësoj kreu i Grupit të LSI, Petrit Vasili. Në Facebook duke iu referuar Ramës ai shkruan se “kur flet për shëndetësinë ky është kryebojaxhi dhe jo kryeministër”.
“Elbasani ka ndërtuar një spital të ri kirurgjikal vetëm në 2010 dhe me skaner në ato kohëra u bë, pra asgjë nga ky kryeministër që i ngazëllehet bojës së mureve. Ky kryebojaxhi lyen ca mure po nuk bën spitale ashtu si edhe në Elbasan, në Fier e kudo. O ministra boll e tallet këtë kryeministër me budalliqe dhe me lajme koti, se ky kryeministër ngaqë s’mbush fare dhe s’kupton, i beson dhe i thotë me gojën plot se i duken te vërteta”, shprehet me ironi Vasili.
Në fund ai thekson se “Shqipëria ka nevojë për kryeministër dhe jo për kryebojaxhi e kryetuaf, sepse shëndetësi do thotë të kurosh e shërosh e jo të tallesh e të këndosh siç bën ky”.
Video:
Diskutime rreth kësaj post