Kryeministri i Kosovës, Albin Kurti, në Forumin Strategjik të Bledit, ka thënë se përfshirja e gjashtëshes së Ballkanit Perëndimor në BE do të ishte në përfitim të dyanshëm.
“E para kufijtë e jashtëm të BE-së do të bëheshin më të vegjël, dhe do të ishte mirë për të dyja palët. Po ashtu çdo i treti qytetarë i gjashtëshes së Ballkanit Perëndimor nuk është banor rezident në Ballkan Perëndimor, jeton në Evropën Perëndimore. Me përfshirjen e gjashtëshes së BE-së shtetet tona dhe diaspora do të ishin në një entitet të njëjtë, e do të ishte shumë mirë për ekonominë. Shembull Kosova ka gati 20 për qind të GDP-së totale nga remetancat”, ka thënë Kurti.
Kurti ka thënë se Kosova është shtet pro perëndimor dhe aspiron të anëtarësohet sa më shpejt në BE dhe NATO.
Ai ka thënë se reformat në shtete dhe zgjerimi shkojnë dorë më dorë. Por ai ka thënë se duhet të ketë një reformë edhe në sistemin e vendimmarrjes në BE.
Kurti ka cekur edhe pranimin e 2000 refugjatëve afganë në Kosovë.
“Ne besojmë që BE duhet mbrojtur dhe përkrahur, për këtë qëllim duhet të kryejmë reformat në vendet tona, por të njëjtën kohë edhe të ecim me zgjerimin e BE-së. Zgjerimi i ardhshëm i BE-së dhe reformat tona shkojnë krahë për krahë, besoj, sidoqoftë se duhet të ketë një sërë reformash edhe në sistemin vendimmarrës të BE-së. Hapat më të guximshëm do të bëjnë më të mundur ketë. Kemi pritur rreth 2000 afganë në Kosovë, jemi vend i varfër, por besojmë se kur bëhet fjalë për çështje humanitare pse, por vetëm të themi si, plus partneriteti me SHBA, për ne është shumë i rëndësishëm dhe shumë i fortë”, tha Kurti.
Diskutime rreth kësaj post