Presidenti i Partisë së Lirisë Ilir Meta, ka komentuar krijimin e shtetit të ri bektashian, një ide e prezantuar nga kryeministri Edi Rama në mbledhjen e djeshme të Asamblesë së Përgjithshme të OKB.
Meta ka deklaruar se kjo ide është e pa konsoliduar dhe vjen në prag të zgjedhjeve.
Ai tha gjithashtu se kjo ide e kryeministrit mund të kthehet në një precedent të rrezikshëm për rajonin e Ballkanit, ku ende gëlojnë zërat për ndryshimin e kufijve me qëllim cënimin e paqes.
“Grabitësi më i madh në këto 34 vite i pronave të bektashinjve dhe gjithë komuniteteve fetare në vendin tonë, hodhi idenë për krijimin e shtetit sovran të Urdhërit Bektashi në prag të zgjedhjeve elektorale, në mënyrë të njëanshme, të pakonsultuar, të paqartë dhe në kundërshtim me frymën e Kushtetutës që sanksionon se Republika e Shqipërisë është shtet sovran dhe i pandashëm.
Kjo është një shashkë gjithashtu për të hequr vëmendjen nga skandalet ku është përfshirë Edi Rama dhe problemet e rënda me të cilat përballet Shqipëria nga keqqeverisja e tij.
Çdo përpjekje politike dhe diplomatike për të promovuar jo vetëm një nga vlerat tona kombëtare që është toleranca fetare, është e mirëpritur, por nuk mund të përdoret në funksion të axhendave elektorale të momentit dhe ku rrezikojnë të kthehen në një precedent të rrezikshëm për rajonit tonë, kur ende gëlojnë idetë ogurzeza të ndryshimit të kufijve me qëllim cënimin e paqes”, tha Meta.
Diskutime rreth kësaj post