Rama për zgjedhjet e 11 majit: Shqiptarët nuk kthehen më pas, prisni 30 ditë dhe shihni se kujt do t’i trokasë Noci te dera

Kryeministri i Partisë Socialiste, Edi Rama, ka vijuar edhe sot me përgjigjen ndaj komentuesve në “Sy m’sy’.

Ai është ndalur te zgjedhjet e 11 majit, ku nuk i ka kursyer batuat për të treguar rezultatin që sipas tij, do të jetë si thellë në favor të Partisë Socialiste.

Megjithëse sipas tij opozita ka të drejtë të ëndërrojë, vetëm 30 ditë na ndajnë nga zgjedhjet, teksa shtoi se kundërshtarët e tij do të marrin Noc Rrokun me një rezultat të dhimbshëm.

“Mos e cysni Nocin sepse sa më shumë e cysni aq më shumë do t’ju dhembë në 11 maj. Keni të drejtën të ëndërroni se me 11 maj do të keni popullin me vete, gjë që nuk ndodh për shumë arsyem, por për arsyen madhore se me popullin nuk keni përputhje për mënyrën se si i shihni gjërat sepse ata nuk kthehen më prapa.

Prisni 30 ditë dhe shihni se kujt do t’i trokasë Noci te dera. E dhimbshme do të jetë!”, tha ai.