Rama mesazh të fortë Metës për vlerësimin e Ardian Dvoranit, ‘tërbohet’ Presidenca

Kryeministri Edi Rama ka përshëndetur vlerësimin e Departamentit Amerikan të Shtetit për ish-kreun e KED Ardian Dvorani. Rama thotë se ky vlerësim është inkurajim i lartë për të gjithë ata që luftojnë për reformën në Drejtësi në kacafytje me të keqen.

Pas kësaj deklarate, ka ardhur dhe reagimi i fortë nga krahu ‘i djathtë’ i Ilir Metës, Tedi Blushi.

“O faqezi, Ramaforma jote ngordh më 25 prill me 3 milion shpulla dhe shkelma të shqiptarëve, kundër teje, oligarkëve dhe diplomatëve të korruptuar deri në palcë. SHQIPËRIA E PARA DHE E PAMPOSHTUR!”, shkruan Tedi Blushi.