Rama: Mbi 18 mijë punonjës shëndetësor do të përfitojnë rritje page

Kryeministri Edi Rama, thotë se më shumë se 18 mijë punonjës të sistemit shëndetësor, do të përfitojnë rritje page në dy vitet e ardhshme.

Përmes një postimi në “Facebook”, kryeministri ka theksuar se qeveria do të jetë më afër qytetarëve shqiptarë duke mundësuar paga më të mira.

“Më afër familjes dhe shoqërisë, me paga më të mira. Në dy vitet e ardhshme do të ketë sërish rritje të pagës nga 26%-34% për rreth 18,858 punonjës të Sistemit Shëndetësor”, ka shkruar Rama.