Rama: Juristët i kemi pafund, por kemi gjykatat më të diskredituara në glob…

Kreu i qeverisë nuk ia fal drejtësisë faktin se për shkak të saj, mbështetur dhe nga PD Shqipëria ka si kusht për hapjen e negociatave me BE pikërisht ligjin e “Vetting”-ut..

Në kulmin e debatit për drejtësinë dhe në pritje të fjalës së fundit nga Gjykata Kushtetuese, kryeministri Rama ka fshikulluar sërish organet e drejtësisë.

Ai u shpreh nga Lezha në një aktivitet për arsimin profesional se Shqipëria numrin më të lartë të juristëve për metër, por ka edhe gjykatat më të diskredituara në glob. “Juristët i kemi pafund, por kemi gjykatat më të diskredituara në glob” u shpreh kryeministri.

Përsa i përket arsimit profesional, Rama theksoi se numri i nxënësve që është regjistruar ka shënuar rritje, pasi është një rrugë e sigurt për të ardhmen.

“Arsimi profesional ishte i braktisur. Ndryshuam modelin, duke sjellë modelin e ri të bazuar tek parimi themelor i sistemit gjerman dhe zviceran, ku shkolla është e lidhur me ndërmarrjen.

Pa sipërmarrjen arsimi profesional nuk ka asnjë shans që t’u japë nxënësve perspektivën e punës dhe ti bëjë të aftë në dijet e tyre për t’iu adaptuar tregut të punës.  Rritje inkurajuese për rritjen e punësimit, por nuk janë të mjaftueshme për të qenë të kënaqur.

Në 2015, u regjistruan 16 mijë nxënës në arsimin profesional, ndërsa sivjet 27 mijë të regjistruar. Arsimi profesional, jo zgjedhje e dytë, por perspektivë e qartë punësimi dhe e sigurt’ tha ai. Gjithashtu kryeministri deklaroi se nëse do të arrijmë të ndërtojmë sistemin e duhur do të marrim rezultatin e duhur.

“Shqiptarët kur shkojnë jashtë bëjnë sukses sepse i nënshtrohen kushteve nuk rrinë te kafja për të pritur punën, apo të trokasin te dera e partisë, mikut apo kushëririt. Ka shumë njerëz që ankohen se nuk ka punë, është problem i madh si gjithë rajonin, por ama fakti që nga Zogu i Zi deri në dalje të Tiranës nuk ka një ndërmarrje që të mos ketë nga një deri në 60 vende të reja”.

Në fund të fjalës së tij edhe sikur deklaroi edhe dje, ai u shpreh se kapacitetet në turizëm janë shumë të mëdha, teksa sot 51 mijë të punësuar , në 2025 objektiv është që numri të jetë 250 mijë të punësuar.

“Sot turizmi kontribuon me 6% të GDP, ndërsa në rajon dhe botë shifra shkon nga 15% e lart” përfundoi ai.