Kryeministri Rama përfundoi takimin me studentët dhe pedagogët e Universitetit Bujqësor të Kamzës. Në fund të fjalës së tij Rama u shpreh se brenda ditës së sotme ose nesër do të hapin një faqe te portali “Shqipëria që duam” për të gjithë studentët ku mund të shprehin aty problematikat dhe mendimet.
“Brenda ditës së sotme apo nesër do hapim një website te “Shqipëria që duam” për të gjithë ata që kanë problematika apo mendime le të shkruajnë, ne do jemi të hapur. Vetëm një gjë ata që shajnë mos thoni pastaj pse na nxirrni nga portali”, tha Rama.
Po ashtu gjatë takimit të sotëm kreu i qeverisë u premtoi studentëve se nga janari do të paguajnë vetëm 50% të tarifës, ndërsa u bëri sërish thirrje për dialog.
Nga ana tjetër studentët vijojnë edhe sot protestën para Kryeministrisë, ndërsa refuzojnë të dialogojnë.
Diskutime rreth kësaj post