Kryeministri Edi Rama i ftuar në ReportTV në emisioni “Pesë pyetje nga Babaramo” deklaroi te henen ne mbremje se, nga qeverisja e kaluar trashëguam një mal me borxhe dhe se, “vazhdojmë të lajmë këto borxhe me transaprencë të plotë dhe madje t’i deklarojmë pasi ishin borxhe të fshehura”. Ndersa lidhur me zgjedhjeve në PS, ai tha se “më zgjodhën shqiptarët për t’i qeverisur”.
Pyetjes se se niveli i koncesioneve në Shqipëri përben një rrezik për ekonomin e vendit, duke iu referuar edhe FMN-së, kryeministri Rama iu pergjigj se “kemi një angazhim serioz për uljen e borxhit dhe kemi nisur me larjen e një mali të madh borxhi të pa deklaruar. Nga ana tjetër, ajo që FMN nënvizon e kemi patur që ditën e parë, pasi koncesionet mund të bëjnë mirë dhe keq, pasi ne kemi koncesione të trashëguara dhe në këtë rast ka të drejtë FMN. Nga e kaluara janë trashëguar një sërë kontratash ku ne jemi të detyruar ta paguajmë me një cmim fiks. Kemi trashëguar një koncesion te doganat, koncnesion të kontrollit te atomjeteve, pasi kjo ka një kosto të madhe për buxhetin e shtetit. Ndërkohë, ne kemi ndërmarrë nismën me privatin për të lehtësuar situatën dhe për t’ia kthyer këto investime qytetarit”.
Lidhur me pyetjen se perse nuk i coni këto koncensione në arbitrazh, Rama theksoi se “Ne kemi marrë edhe shërbim ndërkombetar për të shkuar drejt anulimit, por këto janë bërë në parlament dhe u ka dhënë atyre një vulë qorrazi dhe është gati e pamundur”. “Privatizimet, koncensionet ne partneritet me privatet janë të domosdoshme për të rritur investimet dhe vende mjaftë të zhvilluar i kanë praktikuar, ndaj bashkëpunimi me privatin eshte i dobishem dhe mbi të gjitha përfiton qytetari dhe këto partneritete do të rrisin sherbimet dhe efikasitetin”, theksoi Rama.
I pyetur për tonet e Ben Blushit kundër qeverisë, kryeministri Rama pohoi se “ne kemi ndërtuar një proces të nevojshëm për të riorganizuar në themel PS-në, pasi ne po bëjmë reforma në të gjithë Shqipërinë dhe jo më në parti. Synimi është zgjerimi i radhëve të partisë, gjithëpërfshirja dhe fuqizimi i kësaj partie si forca kryesore e mbështetesë e të gjitha reformave që po bëhen në vend”.
Përsa i përket rivalitetit në PS-së, Rama u përgjigj se “Unë dua të ndaj qartësisht komentet se nuk komentoj komente. Fakti është se ne kemi nja parti të organizuar në bazë të laburistëve të rinj që zgjedhë në bazë të një anetari një votë. Ky debat nuk vlen, pasi partia jone ka fituar dy herë zgjedhjet, por përsa i përket statutit të partisë, kjo do të diskutohet edhe nuk kam dëshirë të hyj në një debat të kësaj natyre, pasi unë jam zgjedhur nga shqiptarët për të punuar për shqiptarët”.
Lidhur me ngjarjen më të rëndësishme, sic është dosja DIA –CEZ, kryeministri Rama tha se “Kryetari i Kuvendit ka burimet e veta dhe ka arsyet e veta dhe për konkluzionet e tij. Qëndrimi ynë është i qartë se përtej mjegullnajave dhe balturinave që zmadhohen nga faktorë të ndryshëm, ne jemi për drejtësi”.
Për marredheniet me Metën, Rama tha se “unë dhe kryetari i Kuvendit bisedojmë për gjithcka, por kurre nuk i bëjmë bisedat për konsumin e të tjereve. Ne bisedojmë hapur në trasparencë të plotë me njeri-tjetrin. Ju siguroj se koalicioni nuk ka qenë i rrezikuar dhe nuk është i rrezikuar dhe ky koalicioni mund të ketë arsye për t’u ndarë vetëm nëse do të kishte pengim të reformave, ose krijimi i pengesave të brendshme, por nuk ka asgjë dhe koalicioni është i garantuar”.
Kryeministri Rama theksoi se për reformën në drejtësi do ofrojmë konsensues pa prekur strukturën e reformës dhe besoj që PD do të bëjë një zgjedhje në favorin e saj, sepse nuk besoj se Partia Demokratike do shkojë më poshtë nga sa eshte.
Diskutime rreth kësaj post