Kryeministri Rama po përpiqet që t’i kthejë në avantazh protestat masive të studentëve duke u imponuar si figura që mund t’u japë zgjidhje problemeve të tyre.
Në këtë kuadër po përpiqet t’u imponohet edhe me të ashtuquajturin dialog, diku duke mbledhur FRESSH-iste e diku duke hyrë vjedhurazi në takimet e studentëve me pedagogët siç ndodhi sot në Universitetin e Kamzës.
Ndër të tjera, Rama ka bërë edhe një krahasim të pavend të studentëve që refuzojnë të flasin me të duke e ditur se çdo gjë bëhet në shërbim të propagandës së tij.
“Do të shkojmë në çdo fakultet. Do flasin të gjithë se nuk kanë ku të shkojnë. Njeriu është qënie që flet, kafsha nuk e bën një gjë të tillë. Do t’i rrëzojmë të gjithë bordet që janë me anëtarë qeverie në Universitete. Do ta kthejmë në institucion këtë marrëdhënie, të dy palët duhet ta shtyjnë njëra-tjetrën. Nuk e dua dialogun për të dalë i larë me ju, qeverisë i keni dhënë një ndihmë tepër të madhe. Na keni nxitur që të bëjmë shumë gjëra më tepër”, u shpreh Rama duke mos qenë ndoshta i vetëdijshëm për fyerjen ndaj studentëve. /albeu
Diskutime rreth kësaj post