Rama: I kam bërë analizat, ja si më kanë dalë

Kryeministri Edi Rama gjatë një takimi me mjekë dhe drejtues shërbimesh shëndetësore ka folur edhe për shëndetin e tij. Rama tha se vizitën e parë e bën gjithmonë në spitalet shqiptare, dhe shtoi se të gjithë analizat i kanë dalë mirë

“Respekte për mjekët dhe mos u dorëzoni dhe kur ndjeheni keq nga sulmet që ju bëjnë ngushëllohuni duke më menduar mua. Mua mi bëjnë sulmet si person, por unë jam gjallë nuk kam ende nevojë për ju. Është e sigurt, kur realisht kam shkuar për të bërë konsultat reale, ato nuk dalin në kazan, dalin ato që nuk janë, unë konsultën e parë e bëj gjithmonë këtu, por nuk tregoj as ku e as se pastaj fillojnë fantazitë.
Për fat të mirë nga të gjitha konsultat rezultoj i suksesshëm përballë gjithë çfarë më bëjnë. Kujtohuni për këtë dhe mos e harroni kurrë Niçja, ai i Gjermanisë jo i Shijakut ka thënë: çfarë nuk të vret të forcon. Dhe ju jeni sot më të fortë se ç’ishit para se t’ju godisnit dhe shëndet do t’ju bëhet edhe ajo goditje si më është bërë mua”, tha Rama.