Edi Rama që ditën e djeshme ndodhet në Itali për vizitë pune, kryeministri ka deklaruar se është shteti që pranoi të strehojë më shumë afganë edhe se vendet e pasura.
Rama gjatë vizitës në Pulia Rama tha nga Otranto pranë skulpturës së “Katërit të Radës” se këtë vendim e mori për të nderuar historinë e vendit.
“Jam këtu sot dhe mund të kujtoj kur ishim ne afganët e sotëm, ndërkohë që arratiseshim nga një ferr i ngjashëm nga themelet e veta, sepse ndonëse regjimi i Tiranës nuk ishte një regjim islamik fondamentalist, ishte në themel ideologjik që bazohej mbi terrorin dhe mohimin e plotë të tjetrit.
Jam i kënaqur që kam mundësinë që të shoh nga afër këtë vepër, e cila është konceptuar nga një artist i madh, kam nderin ta njoh këtë artist dhe ta admiroj jo vetëm përmes veprave, por edhe si person. Kam pasur kënaqësinë edhe ta përqafoja pak më parë.
Dicka që na bën të mendojmë për ata gra dhe fëmijë që humbën jetën në atë anije. Të reflektojmë për fatin e madh që kemi pasur dhe kemi ende sot, fat që jemi pranë Italisë dhe veçanërisht pranë Pulias.
Me siguri na tregon shumë që ne mund të mësojmë që ai progres që ka ndodhur në Pulia është gjithë cfarë është bërë me novacionin. ‘Fakti që është Shqipëria ajo që duhet të presë më shumë refugjatë afganë sesa shumë vende të pasura, por ne nuk e bëjmë këtë për asnjë arsye tjetër veçse për të nderuar historinë tonë, gjyshërit tanë, të cilët bënë që të ishte vendi i vetëm në Evropë që strehoi më shumë hebrenj. Ka pasur shqiptar që kanë vdekur në kampet e përqendrimit sepse kanë mbrojtur me jetën e tyre, apo morën mbi vete duke mbrojtur duke thënë se ishin ata hebrenjtë”, u shpreh kryeministri.
Kujtojmë se Rama ka deklaruar më herët se vendet e pasura nuk kanë dhënë asnjë ndihmë financiare për Shqipërinë lidhur me strehimin e afganëve, ndërsa presidenti i Francës Emmanuel Macron e ka hedhur poshtë këtë fakt. Sipas tij, Shqipëria ka strehuar afganët kundrejt një pagese nga SHBA.
Diskutime rreth kësaj post