Kryeministri Edi Rama zhvilloi sot një takim me përfaqësues të biznesit të vogël në Fier, në kuadër të zgjedhjeve të 25 prillit. Gjatë fjalës së tij Rama tha se qeveria u ka dhënë atyre taksë dhe TVSH zero, ndërsa PD me taksën e sheshtë do t’ua rrisë në 9%.
Më tej, Rama tha se këtu nuk bëhet fjalë se cilin ke më shumë qejf apo inat, por është logjikë biznesi, pasi secili nxjerr fitimet e tij.
Deklarata e Ramës:
“Besoj se për biznesin e vogël është dita më e mirë që do ta zgjasim me votë taksën zero dhe TVSH zero. Sigurimet shëndetësore e shoqërore nuk janë për shtetin, por për shëndetin dhe pensionin. Ndërsa taksa zero dhe TVSH zero mbetet një qasje unikale në të gjithë rajonin tonë. Është e paimagjinueshme që në këto kushte një biznes i vogël pavarësisht se mund të mos dojë të shohë Ramën dot me sy, duhet të votojë taksën zero, pasi taksa e sheshtë që ofron Luli është taksa tipike e në qasje brutrale kapitaliste ku mbështet të pasurit. Cilido që merret më biznes të vogël sot se kuptoj dot të votojë taksën e sheshtë dhe 9 % direk taksë nga zero që e kanë. Pra të paguash taksë që Luli të shkojë të flejë në Kryeministri, kjo është gjë e pakonceptueshme, sado inat ta kesh Gramoz Ruçin apo Edi Ramën, kur vjen puna xhepi yt fut dhe nxjerr fitimet e tua. Këtu nuk flitet më sa inat ke njërin dhe sa qejf ke tjetrin. Nuk është logjikë biznesi kjo”, tha Rama.
Diskutime rreth kësaj post