Ditën e djeshme, mediat greke publikuan lajmin se kryeministri Edi Rama është i gatshëm t’i japë Turqisë Pashalimanin, për ta shndërruar në një bazë ushtarake detare.
I pyetur sot nga gazetarët, presidenti Ilir Meta, gjatë konferencës së tij për shtyp u shpreh se nuk ka dijeni për këtë.
“Për Pashalimanin presidenti nuk i di të gjitha, do më duhet të këshillohem me institucionet dhe t’u jap një përgjigje në kohën e duhur. Jo çdo gjë e di presidenti”, – tha Meta.
Sipas mediave fqinje, me riaktivizimin e kësaj baze detare, shumë shpejt në detin Jon do të ndihet prezenca e luftëanijeve turke.Një gazetë greke e lidh zhvillimin e bazës së Pashalimanit nga Turqia, edhe me aeroportin që pritet të ndërtohet në qytetin e Vlorës, po nga ky shtet.
“Në ujërat e Jonit nuk do të shohim vetëm luftëanije turke, por edhe avionë që do të ngrihen nga aeroporti i Vlorës dhe do të kontrollojnë lëvizjet në det,” – thuhet në artikullin e gazetës greke “Estia”.
Gazeta në fjalë akuzon qeverinë greke se nuk ka bërë mjaftueshëm për të prishur planet e kryeministrit Edi Rama dhe presidentit turk Rexhep Taip Erdogan, duke i vendosur veton për anëtarësimin në Bashkimin Evropian.
Diskutime rreth kësaj post