Qeveria gjermane miratoi të mërkurën një ligj të shumëpritur për modernizimin e rregulloreve të shtetësisë, duke lejuar shtetësinë e dyfishtë.
Ministrja e Brendshme gjermane Nancy Feser tha në një konferencë për shtyp se ligji i propozuar do të thjeshtonte procesin e natyralizimit dhe do të lejonte shtetësi të dyfishtë ose të shumëfishtë për emigrantët.
Sipas ligjit të propozuar, emigrantët do të kenë të drejtën e nënshtetësisë gjermane pas pesë vitesh qëndrimi në vend, në vend të tetë viteve aktuale.
Për të huajt që kanë demonstruar arritje të jashtëzakonshme akademike ose profesionale dhe e flasin mirë gjuhën, kjo periudhë do të reduktohet në tre vjet.
Ligji do t’i lejojë emigrantët të kenë shtetësi të dyfishtë ose të shumëfishtë, gjë që aktualisht nuk është e mundur për shumicën e tyre.
Fëmijët e prindërve të huaj të lindur në Gjermani do të mund të marrin nënshtetësinë gjermane nëse të paktën njëri prind ka jetuar ligjërisht në vend për të paktën pesë vjet. Këta fëmijë do të mund të mbajnë edhe shtetësinë e prindërve të tyre. Aktualisht, më shumë se 12 milionë njerëz në Gjermani, rreth 14 për qind e popullsisë së përgjithshme, nuk kanë shtetësi gjermane. Sipas të dhënave zyrtare, rreth 5.3 milionë prej tyre jetojnë në vend prej të paktën 10 vitesh.
Diskutime rreth kësaj post