“Pusho ore, pusho”, Rama shpërthen keq për sherrin në Elbasan ndaj gazetarit

Kryeministri Edi Rama është përplasur sërish me gazetarin Andi Tela në “Opinion” teksa sqaronte sherrin në Elbasan.

Për sherrin, Rama tha se ishte gjithçka e stimuluar nga Lulzim Basha, se ata që u zunë ishin një tufë rrugaçësh që dolën dhe shanë me ‘libër shpie’.

Pjesë nga Biseda:

Edi Rama: Pusho pusho se s’më kërkon dot ti mua të dënoj këtë e atë. Dhe është ofenduese që ma kërkon ti mua…edhe që nga momenti që e thua këtë gjë, unë nuk duhet të ulem fare me ty. Kaq po të them. Kjo rrugaçëri që del aty dhe nuk bërtet vetëm “Rama Ik” por edhem e librin e shtëpisë nuk janë qytetarë por rrugaçë.

Andi Tela: Po ashtu janë, nuk janë edhe më të mirët e këtij vendi.

Edi Rama: Këtu këtu dëgjo këtu.

Andi Tela: Po, po.

Edi Rama: Dëgjo këtu se edhe në burg votohet. Partitë nuk janë kisha e xhami e di ti që votohet në burgje.

Andi Tela: Kam mbi 20 vjet që pasqyroj.

Edi Rama: Epo këtë duhet të dfish. Një palë atje ishte sjellë nga lideri demokratik. Pala tjetë rdoli nga turma. Kaq.

Andi Tela: Aty kishte dhe gra.

Edi Rama: E çfarë domethënë që kishte dhe gra.

Andi Tela: Do të thotë që nuk ishte turmë agresive.

Edi Rama: Gjithçka ishte e stimuluar nga Lulzim Basha.