Gazetarja Esiona Konomi ka publikuar më 17 shtator një listë me emrat e personave që kanë qenë pjesë e kabinetit politik të Elisa Spiropalit, gjatë kohës që ajo ishte kryetare e Kuvendit.
Denoncimi i saj ngre dyshime se disa prej tyre kanë marrë paga nga buxheti i shtetit pa pasur detyra të qarta apo aktivitete të dokumentuara.
Në listë përmenden moderatorë, ish-banorë të “Big Brother VIP”, analistë dhe figura politike.
Midis tyre është Zhaklina Gjolla, e cila sipas denoncimit ka qenë zëdhënëse por nuk është parë të komunikojë me gazetarët, ndërsa puna e saj kryesore ka qenë përmbajtja në rrjetet sociale.
Emra të tjerë që përmenden janë Knut Fleckenstein, me pagë rreth 1,600 euro në muaj; Edon Beci, djali i kryebashkiakut të Shkodrës, me pagë rreth 1,800 euro; si dhe analisti Lorenc Vangjeli, i cili gjithashtu figuron si ekspert i kabinetit.
Në listë janë edhe Sadi Vorpsi, Boralda Lalollari, Glen Mebelli, Kosta Barjaba, Ejona Isufaj, Enilda Miftari, Liridona Limani, Erisjan Bregu, Danja Peza e të tjerë.
Pas largimit të Elisa Spiropalit nga posti i kryetares së Kuvendit më 12 shtator, kabineti i saj u shkarkua “në bllok” nga pasuesi Niko Peleshi.
Denoncimi ka shkaktuar debat publik mbi mënyrën si përzgjidhen këshilltarët dhe ekspertët në institucionet shtetërore, ndërsa deri tani nuk ka një reagim zyrtar për nisjen e hetimeve.
Diskutime rreth kësaj post