Me tone të forta dhe pa doreza ka folur në seancën e sotme në Kuvend, kreu i LZHK-së, Dash Shehi, që edhe këtë radhë ka goditur me fjalimin e mbajtur para deputetëve.
Duke theksuat se vettingu në politikë është i rëndësishëm për vendin dhe vetë politikën, Dash Shehi u ka dhënë përgjigje fjalës së mbajtur nga kolegët e shumicës, që nuk kanë lënë rast pa u kujtuar opozitarëve zullumet që kanë bërë në kohën e qeverisjes së tyre.
“Gjykatësit i keni pas hetuesit, policët, i kishit fut në burg ata që keni pas për të futur, pse nuk e keni bërë, keni 5 vjet që flisni. Është sistem i vjetër ky që përdorini, qit dy letra, qitini, mos i mçifni që të mbuloni tuajt. Meqë disa mund të kenë bërë zullume, mund të bëni të gjithë ju e të rrini rehat? Kështu është? Gjithsekush të mbajë kryqin e vet, nëse këtu ka nga ata që kanë bërë zullume, nxirreni, i keni të gjitha në dorë, spiunët, SHIK-un, televizionet, tatimet, pse nuk i nxirrni? Nuk i nxirrni sepse ajo është batanija juaj që ju mban ngrohtë”- tha prerë ai.
Sipas Shehit, drejtësia i ka të gjitha mundësitë. “Thatë këtu u ngrit kjo e ajo, ne nuk kemi besim te ata që janë vënë, koha do u japë mundësi, ne e dimë që janë të majtë, por kjo nuk do me thënë që janë hajdutë. Janë bërë shumë pasanikë në këtë sallë, disa hiqen për të ndershëm disa për intelektuale, jemi popull i vogël e njohim njëri-tjetrin, sa i vlen lëkura gjithsecilit. Asnjë nuk është aq i pasur sa të blejë të kalumen e vet, ai që vjen nga llumi në llumë do shkojë, nuk ka për ta bërë kurrë të rëndësishëm, të ndershëm, kanë hyrë e kanë dalë, ditën që janë bërë pis, i keni cepave të Tiranës, para mund të kenë, por fytyrë nuk kanë më”- tha ai.
Diskutime rreth kësaj post