Ish-deputeti i PS-së Alfred Peza e ka cilësuar si bekim ndërhyrjen e amerikanëve duke filluar nga shpallja non grata të ish-kryeministrit Sali Berisha
Ai tha se tashmë zhvillimet në vendin tonë pritet të jenë interesante. Peza u shpreh se e keqja është përballë amerikanëve dhe largimi i Berishës ishte i nevojshëm pasi Shqipëria nuk e kishte ndërruar elitën post komuniste.
“Amerikanët kanë marrë në dorë punën e Berishës të cilën ne në 30 vite nuk kemi pasur këllqe ta marrim në dorë vetë. Zhvillimet do jenë shumë interesante dhe nga pikëpamja cilësore ajo çfarë ndodhi në 90-tën po ndodh edhe tani, po përmbyset tranzicioni që ne nuk e bëmë në mënyrë të natyrshme. Ndërhyrja e amerikanëve është një bekim ashtu si në 1919-ën Willson arriti përmes konferencës së paqes në Paris çuan në kongresin e Lushnjës dhe zhvillimet më pas, duke përfshirë edhe atë të Kosovës dhe tashmë po bëjnë europianizimin e Shqipërisë. Duke qenë se Shqipëria nuk e kishte ndërruar elitën post komuniste mesa duhej kjo gjë. E keqja tani është përballë amerikanëve”, – tha Peza në emisionin “Arnautistan”.
Diskutime rreth kësaj post