Një punonjëse e Drejtorisë së Shëndetit Publik në Krujë është infektuar me koronavirus. Sipas ABC News rezultati i testit të saj ka dalë dy ditë më parë, ndërsa nga hetimi epidemiologjik është arritur në përfundimin se ajo u infektua duke marrë tamponët për koronavirusin tek pacientët e dyshuar në këtë zonë.
Pasi ajo u konstatua me koronavirus, mësohet se është karantinuar edhe bashkëshorti i saj mjek, ndërsa testi i parë i tij ka dalë negativ.
Kjo është një ndër rastet e shumta të infektimit të personelit mjekësor në spitale apo qendra shëndetësore duke dhënë sërish alarmin për nivelin e lartë të prekshmërisë nga koronavirusi tek ta.
Diskutime rreth kësaj post