Prej vitesh të martuar dhe prindër të dy fëmijëve, ndahet çifti shumë i dashur për shqiptarët

Mediat e huaja shkruajnë se çifti William Levy dhe partnerja e tij, Elizabeth Gutierrez prej muajsh janë ndarë. Aktorët flejnë në të njëjtën shtëpi, por tani dhomat e tyre janë të ndara.

Dyshimet për ndarjen e tyre nisën pak kohë më parë dhe shkak u bë premiera e filmit “En brazos de un asesino”.

Ata u panë të zbrisnin nga makina të ndryshme dhe nuk qëndruan për asnjë moment bashkë.

Një burim për “TV Notes” ka treguar se ata nuk duan ta bëjnë publike ndarjen, pasi u shmangen skandaleve.

“Edhe pse ende nuk duan ta bëjnë publike, fatkeqësisht ata nuk janë më çift. Megjithatë për hir të fëmijëve ata jetojnë në shtëpinë e tyre në Miami, por flejnë në krevatë të ndarë, si dy të huaj”, tha burimi.

William dhe Elizabeth janë bashkë prej shumë vitesh dhe kanë 2 fëmijë.