“Portokalli” nis shumë shpejt, u përfol se pas Xhemi Shehut largohet Salsano dhe Altin Basha, por zbulohet e vërteta se ç’po ndodh në TCH

Largime të shumë personazheve të njohur vazhdojnë të ndodhin ku edhe pak ditë na ndajnë nga filli i sezonit të ri. Në media po përflitet se pas largimit të Xhemi Shehut, edhe Salsano Rrapi dha dorëheqjen nga emisioni i humorit “Portokalli”.

Pas Salsanos, në rrjet qarkulloi lajmi se edhe Altin Basha po hiqte dorë pas 17 vitesh punë në “Top Channel”. Ndërkohë që “Portokalli” pritet të nisë në muajin tetor, këto lajme ende nuk janë konfirmuar nga personat në fjalë.

E gjithë situata është në pikëpyetje, ndërsa burime për “Revista Who” kanë treguar se gjatë mbledhjeve të “Portokalli” ditët e fundit kanë qenë të pranishëm edhe Salsano Rrapi dhe Altin Basha, duke thënë se lajmet e largimit s’janë të vërteta.

Megjithatë, mbetet të presim një njoftim zyrtar prej protagonistëve, për të vërtetuar apo mohuar lajmet që po qarkullojnë prej disa kohësh në rrjet.