Ish-kryetari i Aleancës Kuq e Zi, Kreshnik Spahiu ka reaguar për zhvillimet e fundit në vendin tonë.
Me anë të një statusi në rrjetet sociale, Spahiu deklaron se askush nuk del të protestojë për zgjedhjet e 25 prillit dhe për situatën politike, teksa sulmon Lulzim Bashën.
“Populli ka mbushur sheshet këto dy muaj:
– për të hequr emrin nënë dhe baba,
– për pavarsinë e Palestinës
– për Bajram
– për tezat e provimit të maturës
– për dashnoret e “Përputhen”
Nëse vërtet ka pasur masakër zgjedhore pse askush nuk ka dal të protestoj prej dy muajsh që nga 25 Prilli? Ndërkohë për zgjedhjet parlamentare ka pasur një paqe dhe pranim mbarë kombëtar krahasuar me gjithë votimet e tjera parlamentare apo bashkiake në këto 30 vjet.
Është hera e parë që nga 1990 që as 10 protestues nuk kanë falë të kundërshtojnë rezultatin e zgjedhjeve. Arsyet janë tre:
– ose 100% e popullit janë të bindur se Partia Socialiste ka fituar pavarsisht parregullsive ato janë më të vogla se diferenca e fituesit me humbësit.
– ose askush nuk e beson Lulzim Bashën në përallëm e vjedhjes
– ose askush nuk e ndjek prapa për të nxjerr njerëz në shesh.
Nese doni të bindeni sa e madhe ka qënë masakra, shikoni sheshet bosh dhe klubet plot. Nëse doni të kuptoni nivelin e opozitës, krahasoni kauzat dhe motivet pse dhe për cfare janë motovuar dhe kanë dal shqiptaret me sheshe keto dy muaj. Fund më tragjik dhe të ndyrë për një parti politike, nuk do ja kishte uruar as hasmi”, shkruan Spahiu.
Diskutime rreth kësaj post