Politologu Ilir Kalemaj zbardh prapaskenat dhe lojën që po luan kryeministri: Këtë e ka bërë Rama. Ja pse është vënë në siklet Olta Xhaçka

Politologu Ilir Kalemaj në studion e MCN Live duke komentuar për garën e kreut të ri të SPAK, deklaroi se SHBA është mbështetësi kryesor i reformës në drejtësi. Ai tha se tashnë që kanë dalë dhe emrat e tre kandidatëve, mund të thuhet se SHTETE E basshkaura janë në mbështetje të Duymanit, ndërsa maxhoranca nga ana e saj favorizon Kondilin.

“Kemi një SHBA që kanë qenë të investuara në reformën në drejtësi dhe ka pika që prekin dhe sovranitetin e vendit, kështu që kur ne kemi pranuar Shtetet e Bashkuara të Amerikës si investitorin kryesor të këtij procesi që të gjithë kemi pasur kritika se si ka operuar, pra ka pritshmëri të madhe lidhur me rolin dhe funksionin e SPAK. Tani që emrat janë bërë publik duhet thënë se SHBA mbështet Dumanin, ndërsa maxhoranca nga ana tjetër favorizon Kondilin. Ndërsa kandidati i tretë, që është Xholi nuk ka pasur kontestime të forta dhe nuk është i preferuari kryesor as i SHBA dhe as i maxhorancë, por ai mund të jetë dhe zgjedhja. Nuk pritet të ketë ndonjë show të anëtarëve dhe si rëndom në Shqipëri janë influencat politike që do diktojnë rezultatin. Mendoj se do jetë mes kandidatit të preferuar të amerikanëve”, u shpreh Kalemaj në fjalën e tij.

Ndërsa lidhur me deklaratën e Ministrisë së Jashtme për përfundimin e mandatit të ambasadores Yuri Kim, Kalemaj e ka cilësuar të paprecedentë dhe gafë.

“Ministria e jashtme në mënyrë të paprecedentë ka dalë dhe thotë se kanë nisur procedurat për shkarkimin e ambasadores Yuri Kim. E para këto procedura shkojnë në disa nivele në SHBA dhe ajo nuk po shkarkohet. Kjo deklaratë është shkelje dhe nuk thuhet asnjëherë nga vendi pritës një deklaratë e tillë por ai përcjellës, pastaj këto procedura zgjasin disa muaj. Dhe e treta, këtë e ka bërë Rama dhe jo ministria e jashtme, kjo gjë duket që e ka vënë në siklet Olta Xhaçkën sepse është një gafë”, u shpreh Kalemaj.

Kalemaj shtoi se përtej takimeve që janë detyra funksionale duket që ka një luftë të ftohtë sepse ato deklarata janë të paprecedentë. Sipas tij, Shtetet e Bashkuara të Amerikës janë të interesuar që të dënohet çdo shkelje, ndërsa qeveria kërkon sa më pak koka të prera.

“Kjo është çështje interesash ku SHBA në këtë rast duan të operojnë me më shumë efikasitet dhe të luftojnë korrupsionin dhe krimit të organizuar. Ata nuk janë të kënaqur me ritmet, nga na e qeverisë interesi është që të ketë sa më pak koka të prera dhe në këtë rast interesi i Shteteve të Bashkuara të Amerikës është i kundërt me atë të elitës politike kryesisht maxhoranca”, theksoi politologu.