Politikë nga celulari…

Rrjetet sociale ua kane bere krejt komode punën politikanëve tanë, e sidomos gjatë këtij sezoni veror. Komentet, reagimet apo opinionet edhe pse te pakta vijnë tashme ne profilet e tyre, duke mos qene e nevojshme qe te frekuentohen zyrat nga përfaqësuesit partiake

Nuk ka gjë më komode se të bësh politikë me një celular në dorë apo përballë kompjuterit. Sidomos në këto ditë me vapë të tmerrshme.

Politikanët kanë zgjedhur të mos i lënë mënjanë pushimet, por as komunikimin publik.

Dhe të jesh online është bërë domosdoshmëri për marrje e përçim mesazhesh të politikanëve, madje edhe kur ata nuk i preferojnë shumë rrjetet sociale.

Por trendi i këtij komunikimi të ri, por tmerrësisht të vrullshëm të kërkon aty ku duhet të jesh edhe nëse nuk do.

Të jesh aktiv mund të duket pak e lodhshme për ndokënd, por sa të kuptojnë komoditetin e tij, nisin dhe zëvendësojnë komunikimin televiziv apo atë sy më sy me gazetarët e shtypit duke u mjaftuar me çfarë shkruajnë në profilet e tyre në rrjetet sociale. Kështu janë dhe në relaks dhe pranë familjes, pa dashur të udhëtojnë për në zyrë.

Në botë vitet e fundit komunikimi i liderëve dhe institucioneve në facebok e twitter është zhvilluar ndjeshëm duke mësuar në kohë reale gjithçka ndodh dhe reagimet përcjellëse.

Në Shqipëri po ashtu. Politikanët më aktivë janë kryeministri Rama dhe ish-kryeministri Berisha

Edhe pse prej disa ditësh me pushime, kryeministri Rama poston jo vetëm një herë në ditë. Jehona zgjedhore dhe bashkëqeverisja me qytetarët, emergjenca me zjarret apo sa bukur është të pushosh në Shqipëri, janë temat e ditës.

Sali Berisha gjithashtu poston disa herë në ditë me një objektiv sulmi: Edi Ramën, duke treguar anën tjetër të medaljes, p.sh turizmin në errësirë…

Lulzim Basha është ndjerë pak që pasi u rikonfirmua kryetar i PD-së me disa postime kundër Ramës në korrik apo me homazhin e fundit në përvjetorin e varjes së poetit Havzi Nela në vitet e fundit të diktaturës.

Për reagimet e pakta ka marrë kritika nga kundërshtari i tij Astrit Patozi, i cili sërish duke pushuar, por pasditja e thuajse çdo ditë është e postimeve të tij në FB.

Prania e fundit e Monika Kryemadhit të LSI në televizion e facebook është ajo është ajo e fillim gushtit me një intervistë në Abc news.

Petrit Vasili ka vetëm disa muaj në komunitetin e madh fb, por postimet i ka thuajse të përditshme dhe në betejë me kryeministrin Rama.

Kështu të jesh në rrjetet sociale mund të pushosh edhe të bësh politikë pa të penguar temperaturat rrotull 40-gradëshit, mjaft të kesh idetë, ndjenjën e reagimit dhe të përfshirjes.

Sepse je në kontakt me ndjekësit në rrjetet sociale, por në mënyrë virale rrjedh në median online, për rrjedhojë edhe në tv apo gazeta të printuara, të cilat gjithsesi ende mbeten një filtër i komunikimit më të spikatur të politikbërësve dhe qeveritarëve.