“Po fshehin numrin e të vdekurve nga koronavirusi”, Manastirliu përgjigjet deklaratës tronditëse të Sali Berishës

Ministrja Manastirliu i është përgjigjur deklaratës tronditëse të ish-kryeministrit Sali Berisha se në Shqipëri po fshihet numri i të vdekurve me koronavirus.

“A ka shance të fshehësh të vdekurit? Kjo është absurde. Kjo luftë fitohet duke thënë të vërtetë dhe duke e shpalosur atë siç është. Kështu fitohet, duke qenë të vërtetë, duke dhënë të vërteta, të dhëna të detajuara, si po gjurmojmë.

Po bëhet një punë profesionale dhe humane nga mjekët. Sigurisht ka dhe humbje jete pasi kemi të bëjmë me një virus të rrezikshëm,”, tha Manastirliu për Java në RTSH.