Ministri i Ekonomisë dhe Financave Ervin Mete në një intervistë në emisionin “Real Story” në ABC foli për planin financiar të Bashkimit Europian për Ballkanin, ku Shqipëria përfiton afro 1 miliard euro.
Ministri Mete u shpreh se synimi është që të arrihet një mbështetje për frymë aq sa marrin vendet anëtare, duke shpjeguar se për këtë do të duhet të zbatohen edhe reformat.
“Synimi i artikuluar edhe në programin e planit është që ne të marrim për frymë mbështetje financiare nga BE, në terma të krahasueshëm mbështetjen që marrin vendet anëtare. Sigurisht që është sfidues sepse duhet të realizojmë një sërë reformash. Plani është inkurajues, po ecën me kalendar të përshpejtuar. Do t ë konceptohet një plan reformash prioritare, por synohet integrim de facto përpara anëtarësimit. Në një rend normal do të duhet të kishim avancuar me grup kapituj në tërësinë e vet pastaj të mund të negocionim, tani ajo që është në tryezë që janë marrëveshje kryesore që kemi për të mundësuar integrim, ndërlidhje në tregun e përbashkët europian përpara se sa mund të integrohemi. Ky besoj është një moment i mirë për të gjithë vendet e rajonit. Ka një ndjeshmëri të shtuar të BE , kjo edhe për shkak të zhvillimeve gjeopolitike dhe do të jetë një shtysë edhe për qeverinë edhe për bizneset për t’u formatuar për të qenë pjesë e përbashkët e tregut europian”, theksoi ndër të tjera ai.
Diskutime rreth kësaj post