Piu ujë për të treguar se është i pastër, politikani përfundon në spital

Një politikan indian u dërgua në spital, pasi piu ujë nga një lumë “i shenjtë” në përpjekje për të treguar se ishte i pastër dhe i sigurt, sipas raporteve lokale.

Bhagwant Mann, Kryeministri i rajonit të Punjabit, u filmua duke pirë një gotë të tërë me ujë nga Kali Bein, një përrua që konsiderohet e shenjtë për Sikët, sipas The Indian Express.

Mann po përpiqej të demonstronte efektivitetin e një projekti 22-vjeçar për pastrimin e lumit.

Ndërsa ishte atje ai njoftoi një projekt më të gjerë për të pastruar lumenjtë dhe kullimet në mbarë vendin, raportoi India Today.

Partia Aam Admi e Mann, postoi pamjet në Twitter të dielën, duke shkruar për projektin e pastrimit dhe shoqatat e shenjta të lumit.