Deputeti i Partisë Socialiste, Petro Koçi ka komentuar protestën e mbajtur ditën e djeshme nga ish-kryeministri Sali Berisha kundër vizitës në Tiranë të kryeministrit serb, Aleksandër Vuçiç. Përmes një statusi në rrjetet sociale, deputeti Koçi shprehet se protesta nuk është kundër Vuçiç, por për të rikthyer në krye të Partisë Demokratike Sali Berishën, të cilin ai e quan Haxhi Qamil.
Madje, deputeti Koçi thumboi Berishën teksa i kujtoi se ka qenë bashkëpunëtor i Millosheviçit dhe ishte kundër marrëveshjes së Rambujesë në vitin 1999.
“Protesta nuk është kundër Vuçiç. Është protestë për të kthyer Haxhi Qamilin në krye të PD. Ai që furnizoi me karburant makinerinë ushtarake të Millos dhe që Rambujenë e quajti tradhti kombëtare nuk ka asgjë kundër Serbisë. Përkundrazi”, shkruan ai.
Nga ana tjetër deputeti socialist, Petro Koçi ka ironizuar përmes një statusi të dytë në rrjetet sociale, kreun e Partisë Demokratike, Lulzim Basha. Deputeti Koçi e cilësoi Bashën si bisht, ndërsa Berishën koka.
“Ky Luli nga bisht kërkon të duket kokë. E ka me Saliun këtë metaforën kokë-bisht. I thotë që ti je bisht tashmë. Dhe qenka bërë vetë koka. Meqë i është arratisur trekëndëshit të Berlulkës, Meta-Berisha-Basha, bën sikur s’ka qenë kurrë atje. I kompleksuar”, u shpreh ai.
Po ashtu, deputeti Koçi ka thumbuar Bashën edhe në një status tjetër në rrjetet sociale.
““Opozita më e rëndësishme se Rregullorja”, tha Basha. Edhe keqbërësit janë në opozitë me ligjin. Janë më të rëndësishëm se ligji? Zoti Basha, rregullorja është ligji i funksionimit të Kuvendit. Je kundër ligjit”, nënvizoi deputeti i Partisë Socialiste, Petro Koçi.
Diskutime rreth kësaj post