Deputeti i zgjedhur i Partisë Socialiste për Qarkun e Fierit, Petro Koçi ka shpërthyer dje në akuza të forta në adresë të ish-kryeministrit Sali Berisha dhe deputetit të zgjedhur të Partisë Demokratike, Luan Baçi. Ish-kryeministri Sali Berisha ka publikuar sot denoncimin e një qytetari, sipas të cilit janë 200 mijë euro në mes në sherrin e Petro Koçit me Ervin Bushin. Por pas denoncimit të zotit Berisha ka reaguar ashpër zoti Koçi, i cili në një postim në rrjetet sociale, e cilëson ish-liderin demokrat si të lajthitur nga mendtë dhe të korruptuar.
“O plaku Mere kaq shumë të djeg ndershmëria e të tjerëve? Ke ikur jo vetëm me gjithë tespihe, por edhe nga mendtë! Linde e u plake dreqëndëbark! Njerëz të mirë e të pastër mos u dekurajoni! Ky kërkon që t’i bëjë të gjithë si veten e tij, zëdhënës të korruptuar të botës se krimit! Drejtësia do fitojë”, shkruan ai.
Nga ana tjetër po dje, Kryetari i PS-së së Fierit, Petro Koçi u është kundërpërgjigjur akuzave të rivalit demokrat Luan Baçi në lidhje me punësimet dhe tenderimet në qytetin e Fierit. Përmes një statusi në rrjetet sociale, deputeti i zgjedhur i Partisë Socialiste të Fierit, Petro Koçi shkruan se Baçi nuk mund të devijojë qëndrimet e tij në luftën kundër korrupsionit dhe ta kanalizojë si luftë e brendshme brenda PS-së.
“Qëndrimet tona kundër së keqes nuk i komplekson dhe nuk i komprometon dot as Tosun Baçi e as plaku Mere. Opozita është shumë hapa mbrapa. Opozita s’ka takat të shkulë dot regjimin Berisha në PD e jo më të luftojë sëmundjet shoqërore dhe politike të kohës. Taktika për të krijuar perceptimin se lufta ndaj korrupsionit dhe krimit është luftë e brendshme në Partinë Socialiste është dritëshkurtër. Kjo është një çështje mbarëshoqërore dhe institucionale”, nënvizoi kreu i PS Fier, njëherësh deputet i zgjedhur i Partisë Socialiste, Petro Koçi.
Diskutime rreth kësaj post